نامه سرگشاده ی خانم پریس کی نژاد (له  اعضاء مرکزی جمعیت ال یاسین) و رهبری

سرگشاده  بیه  له تاریخ : ۲۴ تیرمانگ ۸۸- ساعت ۹ صبح

بسم الله الرحمن الرحيم

 حضور محترم آيت الله خامنه اي

سلام عليكم

اينجانب پریس کی نژاد له  شاگردیل  استاد الیاس رام الله (آقای فتاحی) هسم. امروژ و در ئی نوشته  توو وام زوو وان کسی بوم که  دنگیظاهرا نوو وای دخمه یل خوف انگیز زندان اوین خفه بیه  و شکنجه گریلی گمان کن له  پِِشت آو دیواریل قطور هیوچ دنگی قابل شفتن نیه و غافلن له  آوه که هانه  کسیلی که  فریادیلی   در  سکوت شنه ون. و امروژ مسئولیت رسنن ئی صدا و دیشت  له  عهده ی من هیشتنه . دریافت و کشف صحت  قصه یل  و ادعاییلی که درئی نامه تیه د  اراتان فره ساده س اگر امینی ارا ی اوه  بگمارین .

سي و يكم خرداد مانگ هشتاد و هشت

پریس کی نژاد -عضو مرکزی جمعیت ال یاسین

ایشان اوشن :

بعد له  نوشتن اولین نامه م و ایوهه  و سال 86  بازداشت بیم . له  محوریل اصلی بازجویی یل آو نامه بی.6 مانگ شکنجه و فشار ارای آو که هزاران تجربه و محصوله انکار کم. باید وتیام دروغگوهسم و قصد مردم فریبی و سوءاستفاده داشتمه. شیطانم ،  شیادم  وگرد  قدرت شیطانی کاریل خارق العاده کم ،ساحر و دیوانه هسم. خه وه ریلی که درباره  بری حوادث جور زلزله بم، یازهم سپتامبرو... له  مدتیل قبل  دامه یا شیطان و  مه وتیه  و یا خارجی ییل  اطلاع دانه . انحراف داشتمه  قصدم نفسانیات بیه. باید وتیام توو واستمه در آینده بوشم مه مسیحم. قصدم حکومت بیه  توو واستمه علیه نظام واسلام توطئه بکم.  باید توبه کردیام  ولی اوسا که پرسیم له  چه چشتی؟ وتیان  هرچشتی . بالاخره ناو زندگیت یه ی  گناهی نکرد یه ؟ له  هر چشتی. وتیام  اگر یه  خلاف ویا یه  سوء استفاده  نیشان بیه یت   گشت چشتی قبول کم  اما نتوونستنه . وتیان  خوو وت بوش .

وتیان  ایمه  نیه  توو ونیم قصه یل مان  پس گریم و بوشیم ادعا ئیل قبلی مان درباره ایوه  اشتباه بیه . له  صدها صفحه بازجویی فقط چن جمله  و مسئول یل نیشان دیم. کلید مغز مسئول یل ها دس ایمه  هرجور بتوو وایم چرخنیمنه ی. ایوه   گن تر  له  بهائیت و مجاهدین خلق و توده ای ییل معرفی کیم  نیه توو ونیم قصه یل مان  پس گریم. آو جوره ایوه نوو وای  بیت، مسئولیل  امنیتی و قضایی بدنام کردیمه  که اگر نزیک اوانه  بچین فورا ایوه دسگیر کن. باید ژیر برگه یلی  امضا بکردیام که نیه ذانستوم چوو وه س و اگر نیه کردیام شاگردیل و خانواده م در خطر کفتیون . وتیان دفاع یعنی علیه حکومت اسلامی هه لسین. وتیان و تاکید کردیان که و دستور حاکمیت و و عنوان کلیدی و دس ولی امر مسلمین باید فیلمی ضبط کی که بعدها روشن  بی که و گن ترین شکل ممکن مونتاژ و جعل  بیه و گن ترین و دروغ ترین استفاده یل   له لی بیه. خه ور له  فیلم وبولتنی محرمانه دانه که اگر خوو وه تیش بینی ته ی  خوو وه ته انکارو  کی. مدتها دچار خونریزی یل شدید بیم ونهایتا بعد له  6 مانگ زندان انفرادی وه تن آزادی و هیوچ جرم خاصی   جز جمعیت اطرافم مطرح نیود.

 بعد  له گذشت چن مانگ دوو واره ی  مه هاوردنه  زندان و شکنجه  دن، شاگردیلمه  ارای اعمال فشار و مه دسگیر کردنه.  و گن ترین  شرایط ممکن و محروم له  ابتدایی ترین حقوق یه ی زندانی نگهداری بوم و مبتلا و مشکلات قلبی و تنفسی بیم . تا و امروژ بیشتر  له  5 مانگه که  ناو سلول انفرادی و  و شرایطی خاص محبوسم بیشتر له دومانگ ناو سلولی  وگرد تعداد فره یی  میوش، بدون هواخوری و اعمال شکنجه یل سخت روحی و جسمی بیمه. در حال حاضریش ناو شرایط مشابهی و سر بم . دوو واره موضوع چک سفید داین و  نظام مطرح بیه تا خیالیان له  بابت مه راحت بود. ولی ئی گل و گرد حکم ایوه  وحکم مقام عالی قضایی بین  و گفته بی که بایس دیکته ی شکنجه گریله  تکرار کم و جوو واو سئوالیله  نوو وای  دوربین بیه م آویش و شکلی که جوو واویل  تامین کننده ی نظر حکومت بو. وتنه حکومت اراده کردیه تو  نابود کد و باید وحکم قانون همکاری کی. تو ارای نظام خطرناکی و باید نوو وای  افکار عمومی تخریبو بید. خوو وت  گشت چشتیله انکار که   ایمه یش  پرونده بسیم. ایمه  ابزاریل فره یی دریم صدها قلم و دس، رسانه یل  فره یی گرد ایمه کار کن. تلویزیون ورادیو دریم  و راحتی گرد چن میزگرد و برنامه خراوت  کیم. حتی نظر حکومت یه سه که که فیلم یا سریالی ساخته بود تا اسم و فکر تو نابودو بو . و مجموع بیشتر له  320 روژ ارای ضبط چن فیلم و چن صدا شکنجه بیم . ارای اعترافیل دروغی و توبه که معلوم نیه  له چه چشتی بایس توبه کم و له  ایوه طلب عفوبکم. مسئولیل عالی بارها قسم خوو واردنه  که اگر فیلم ضبط نکم خانواده م  و دیشت کشته بون و همسرمه  که در حال حاضر تنیا سرپرست دو کودک  شیرخوار و خردساله  بازداشت کن، که کردن. 25 جلسه شكنجه ی فيزیکی و روانی باعث  نیو  دیکته اوانه  تکرار کم اما و واسطه ی حکم قانون انجام دام.

ارای یازدهمین گل، آوسا نماینده ی ایوه حضور داشت نویسام و  وتم که ارای چه  مه  دو سال شکنجه دان و فشار هاوردن که اعتراف دروغی بکم و واقعیاته  انکار کم  ولی حتی یه ی دروغ، یه ی  تحریف، یه ی بدعت و یه ی خلاف نیشانم نیه ن  و اوشن خوو وه  بایس اعتراف کی. و بازجویل وتم اگر یه ی جرم نیشان بیه ین  گشتیه قبول کم. حدود 660روژه  که هی یه اوشم اما جوو واو فقط شکنجه و فحاشی رکیک و خانواده س. نماینده ی  ایوه ساعتها گرد مه قصه کرد و دس آخر بی جوو واو چی.

اوشن ارای آزادیت بایس کومک کی ناو  تلویزیون حاضربو و خوو وه ت  خوو وه ته   تخریب که وگرنه آوقره هیلیمت بوسی  ایره تا بپوسیدن ومسئولیل اعلام کیم که مخل امنیتید  آو سا  توو وایم بذانیمن  کی  جرات کد  پا بنه ده  نوو وا  و آزادت بکد.

پعد له  مانگیل ممنوع الملاقات بین، دو منال خردسالمه  ارای ملاقات هاوردن و دلیل وضع ظاهریم ، مه نناسین،نوو وای اوانه  گردم  برخورد خشن کردن و اوه یشیش  تبدیل و  جلسه ی  شکنجه  بی . و گرد عکسیل  خانوادگی  بازی  کن. و بهانه ی بازرسی بدنی مجبورم  کن  لختو بوم . بارها و بارها شکنجه  بیم که بوشم که شکنجه نیمه و جالب اوه سه که  بری مسئولیل تیه ن  و  اوشن  ایوه  اصلاً شکنجه نیوید ه . مرتباً موضوع چک سفید و نظامه   مطرح  کن و  اوشن  ارای نظام خطرناکی و بایس  ناو  افکار عمومی تخریبت کیم. بعد له  ئی گشت شکنجه ی فیزیکی و روانی تازه اوشن  اگر همکاری نکی طرفداریلته درو کیم و جوی خیون خیمه ری . اوشن  مقاماته هر جور و و هر جهت که بتوو ویم قانع  کیم  گشت دریله یش بسیایم و مسئولیله توجیه کردیمه  هر کس بتوو واد له  تو حمایت بکد کیشیمنه  خوو وار. کر پیغمبریش که بود کیشیمنه  خوو وار  .

طی این مانگیل صدها صفحه بازجویی  بیمه. ناو  نوشته یلم  که و  بازجویی یل   مکتوبو  بیه،  دس بن و و عنوان مدارک و مستندات و  علیه مه استفاده کن . سئوال شفاهی  پرسن  و اوشن  کتباً جوو واو بیه  آوسا ش که  جوو واو  دم، بان برگه، سئوالی متفاوت و  آو سئوال شفاهی  نویسن. چن بند له  یه ی مطلبه  و ناو  کپی حذف کن  و معنی بندیل  تر عوضو  بود و اوه کل کن ارای دادستان . موردی که نیاز و  یه ی صفحه جوو واو دی رد، اوشن نو یه ی خط جوو واو ببه. صوو  تا  ایواره اجازه ی رفتن و دستشویی  نیه ن  تا ژیر برگه یلی  که توو وان  امضا کم و بوشم دستخط مه سه . خفه ام  کن  و اوشن بنوس که مدعی  گید. دفترچه ی تحقیقی و تفکری دوره ی نوجوو وانیه   که علامت  و باطل  بن خوو وردیه و ناو  بایگانی بیه  هیز دانه  ناو  کپی علامت باطله  حذف کردنه   و  و عنوان سند خودپرستی مه  و ... و  مسئولیل نیشان دن.

و گذشته یش  وتمه  مه له  خودشكني و خودانكاري اگر و  مصلحت اسلام بو  استقبال كم اما  له ظلمیل  و بی عدالتی یل ، له دروغیل   و تهمتیل ، له  جعلیل  و جوسازی  یل ، خداوندمه   که و  شدت زنده و حاضر و قادره  و  یاری طلب کردمه . عملکرد ئی آقایان و  طول ئی دو سال باعث بی  گشت چشته له  ابعاد مختلف چن برابر بود که شرح و مستنداتی موجوده اما اصرار دی رن  كه در ئی باره  قصه نکم . امروژ اسلام دهها هزار نيروي جوو وان، متخصص، آزموده و اهل فكر و برنامه دی رد  اما سالیانه  كه دوسیل  نادان كمر و نابوديی  آن بسریان  و متاسفانه ناو  كار خوو وه یان توفيقاتيش  داشتنه . همیش  تکرار کم اگر یه ی دروغ،  یه ی بدعت و یه ی خلاف و ناو زندگیم  نیشانم بیه ن  آوسا  له  هر اتهامی استقبال  کم.

تسلیم و خدمتگذار خداوند

الیاس رام الله (فتاحی) 

سي ام خرداد ماه هشتاد و هشت